Davao City – Matag gabii bisan asa ka molingi, piyesta sa mga suga ang imong masinati.
Siga dinhi, siga didto, ang dulom nga mga lugar maklaro tungod kana sa kahayag ning selebrasyon sa Pasko.
Dinhi sa Davao City, ginasaulog ang month-long celebration sa Pasko pinaagi sa Pasko Fiesta, tawag sa kinatibuk-ang nakalaray nga mga aktibidad nga gi-andam sa lokal nga panggamhanan alang sa katawhan – mapabata man sa edad o mapabata sa kasing-kasing.
Usa na dinhi ang Kahayag sa Pasko, usa ka tinuig nga Christmas lights competition alang sa mga establisemento dinhi sa dakbayan nga parte sa tulo ka mga distrito.
Sa dalang Artiaga ning syudad, mipartisipar ning usa ka hotel diin mabati nimo ang kabugnaw gumikan sa ilang winter wonderland-theme design. Adunay snowman, nagbitay nga snowflakes, ingon man ang dominant color white Christmas lights.
Kining atraksyon sa may dalang R. Castillo Agdao naglahi gumikan sa Underwater Wonderland-theme diin makita nimo ang mga innovation nga gama sa robotics nga mga hayop sama sa sea horses, turtles, dolphins ug uban pa gani pwede kaayo ninyong dalaon inyong mga chikiting kay siguradong malingaw gayod sila.
Pwede usab kang mag ala-pirata gumikan sa dakong pirate ship nga gimontar sab sa sulod sa maong lugar diin abli kini alas-6:00 hangtod alas-10:00 sa gabii ug libre ang entrance fee.
Sa Damosa adunay dakong arko nga puno og puti nga Christmas lights diin makita ang dagkong disenyo sa snowflakes ingon man sa candy land theme. Perfect kini pang selfie ug groufie sa mag pamilya dayon motupad sa giant-size polar bear ug snowman ingon man sa life-size Santa sleigh.
Sa South-bound area agaw-pansin ang mga disensyo sa mga plantasyon ilabi na sa Ulas ug Dumoy areas.
Samtang sa imong byahe sa kadalanan dinhi sa dakbayan, makatutok gayod ka sa snowflakes-shaped lanterns nahimutang sa center islands diin atong nasayran ng agama kini sa Davao City Jail inmates.
Dili usab magapildi ang mga barangay halls sa syudad sa Davao sama sa Brgy. Sta. Ana 27-C inon man sa Brgy. Matina 74-A diin makita ang mga mamugnaong mga disenyo sa Belen kun Child Jesus’ birth ug ang penguin filled barangay hall nga adunay touch sa Chinese culture.
And speaking of barangay, adunay pa-contest ang City Government of Davao nga gisalmutan sa katawhan nga mao ang ‘Parol sa mga Barangay’ diintanan barangay sa syudad nagpabonggahay sa ilang mga parol nga gimontar sa Marfori Botanical Garden.
Dili lang kini ang atraksyon sa maong selebrasyon sanglit adunay gimontar sa City Government ang mga free rides sa may Rizal Park aron malingaw ang mga kabataan diin aduna usab ginapanghatag nga ice cream.
Gani bisan mapalokal man o langyaw nga mubisita sa dakbayan, makabati kini og paglaum ug kalipay tungod sa kahayag nga dala sa mga suga sa Pasko diin kini mirepresenta sa kinaiya sa mga Dabawenyo nunot sa bisan unsa man kadag-um o kapait nga nasinatian niini.
RadyoMaN Jason Amisola
