Davao City- Bun-og nang nahidangat sa Sasa Police Station ang usa ka kahera human nga gikulata sa usa ka lalake nga nagwala nahitabo sa Sulpicio Road, Sasa ning siyudad bandang 4:00 sa hapon.
Sigun sa kahera nga si Marlyn Macapuis, 36 anyos, dalaga, ug nagpuyo sa samang dapit nga igo lang unta niya gi-uwang ang suspek nga giilang si Ramil Campugan gikan sa pag wild niini.
Apan ang biktima naman hinoon ang gikonpronta ug gikulata ni Campugan hinungdan sa bun-og nahiagoman sa kahera.
Nasayran nga kalit lang nagwild ang suspek sa wala hisayri nga rason maong gisuwayan og pakalma sa biktima ang suspek.
Gitambagan sa kapulisan ang kahera nga magpatambal sa Southern Philippines Medical Center aron dunay ebidinsiya nga magamit sa pagsang-at sa posibling kasong physical injury batok sa maong lalake.
RadyoMaN Joel Viray
Facebook Comments
