General Santos City – Himas rehas karon sulod sa selda sa presinto sa kapolisan sa Tampakan probinsya sa South Cotabato ang kahero human kining malumpusong madakpan.
Sa spot report nga gipagawas sa Tampakan Municipal Police Station, nahitabo ang krimen sayo sa buntag kung asa ang biktima giilang si Gorgonio Basa Jr. 50 anyos minyo og negosyante nga nagpuyo sa Purok Marcos, Brgy. Sta Cruz, Tampakan, South Cotabato.
Personal nga nangayog tabang ngadto sa kapolisan ang biktima tungod gidunggab matod pa siya sa suspek nga nailhang si Rex Rotoni 35 anyos ulitawo og cashier gamit ang hait nga kutsilyo.
Nakaangkon og samad sa wala nga bahin sa abaga ang biktima dayon miresponde ang kapolisan ngadto sa nahitaboan sa krimen.
Nagresulta kini sa pagkasikop sa suspek samtang ang kutsilyong gigamit wala na marekober sa kapolisan.
Kasong frustrated murder ang giandam nga kaso sa kapolisan nga ipasaka batok sa suspek.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: himas rehas.jpg]
