KAHIMBON | Isa pa ka pulis nga ginatudlo kahimbon ni PO2 Magno sa pagbaligya sang illegal nga druga, igasunod sang RDEU

Ginpahayag ni Police Sr. Inspector Kenneth Bermejo sang Regional Drug Enforcement Unit ukon RDEU nga gin-subject na nila sa follow up operation ang isa pa ka pulis nga naga-rangko sang PO2 nga ginatudlo kaupod ni PO2 Stephen Magno sa pagbaligya sang illegal nga druga.//
Ini matapos gin-ako ni Magno nga may kaupod siya nga pulis sa iya pagbaligya sang druga.

Ginpahayag ni Bermejo nga kon indi si Magno ang nagakuha sang ila supply nga shabu gikan sa Negros Occidental, ang aktibo nga PO2 amo ang nagakuha kag gina-repack kag pagkatapos ibaligya.//

Madumduman nga nadakpan si Magno sang nakaligad nga adlaw sa buy bust operation nga ginhiwat sang RDEU sa Calaparan, Arevalo kon sa diin nakuha sa iya ang kapin sa 35 ka sachet sang suspected shabu .