Davao City – Gitinguha karon sa mga Dabawenyo nga masayod sa kahimtang sa panlawas ni Presidente Ferdinand Marcos Jr., ilabi na nga adunay giatubang nga krisis ang nasud.
Sa pakighinabi sa DXDC RMN Davao, matud ni Tata Caday nga adunay katungod ang katawhan nga masayod sa kahimtang sa Presidente, ilabi na nga angay sab masayod ang katawhan sa kahimtang sa nasud.
Samtang, alang kang Bong Oman Alvarez, iyang gituohan nga ang desisyon sa usa ka tawo nagdepende sa iyang maayong panlawas. Busa, dapat masayod ang katawhan sa medical bulletin unsa ang gibati sa Presidente, ilabi na nga pinasahi nga problema ang giatubang sa nasud, kon aduna pa ba kini’y angayan nga momando ug modala sa Pilipinas.
Mahinumduman nga nigawas ang daghang hungihong nga adunay dili maayong gibati sa panlawas ang Presidente. Busa, gipanawagan nga mopahibalo ang Palasyo sa Malacañang sa tinuod nga sitwasyon.
RadyoMaN Bien Abanos
Facebook Comments
