Sports – Tiniyak ni Gilas Pilipinas Center Christian Standhardinger na maglalaro siya sa quarterfinals ng FIBA Asia Cup sa Miyerkules.
Matatandaang hindi nakalaro kontra Qatar si Standhardinger kagabi dahil sa tinamong paninigas ng leeg at balikat niya noong nakaraang laban sa Iraq.
May sakit man o wala, sabi ng Fil-German maglalaro siya sa quarterfinals.
Samantala, nakakuha na ng unang panalo ang Philippine Softball Team na Negros Occidental Little League sa major division ng little league softball world series sa Estados Unidos.
Ito’y matapos talunin ng Philippine Team ang softball femenino De Coamo Little League ng Puerto Rico sa iskor na 2-1.
Simula noong Biyernes, sunod-sunod na talo ang nakuha ng negros occidental little league laban sa Oregon district 4, central at southwest region.
