Davao City – Kini ang pamahayag sa usa ka aspirant social worker nga si Mai Tejares sa interview sa DXDC RMN Davao, human iyang nakita nga pipila na ka pamilya ang gihagit sa panahon tungod sa kapait ug mga problema nga mao’y hinungdan sa kagubot ug panag-bulag sa magtiayon.
Sumala ni Tejares, mahinungdanon ang paggahin og oras sa pamilya, aron mabugkos sa gugma ug mas mapalig-on pa ang pundasyon ug relasyon sa matag usa, sama sa pagdungan og kaon, family date ug pagsimba.
Gilayong importante nga makita ug mabati sa mga anak, ang kalipay ug gugma sa ilang mga ginikanan aron magdako usab sila nga mahigugmaon ug dili huyang.
Dugang ni Tajares, dili lang limitahan kini sa selebrasyon sa bulan sa Septembre, apan sa matag adlaw ang family day.
Alayon niini nagpagawas og Proclamation No.60 series of 992, nagdeklara sa ulahing semana sa Septembre kada tuig isip family week ug alas 3 sa hapon karong adlawa, September 25, 2023, suspendedo ang government works ug klase sa mga tulunghaan sa tibuok Pilipinas alang sa pag obserba sa the ‘Kainang Pamilya Mahalaga Day’.
RadyoMaN Ivy Parido
