Davao City – Gi-rekomendar sa Department of Labor and Employment (DOLE-XI) ngadto sa pamunoan sa Victoria Plaza nga mag-hire og doctor aron maoy magmonitor sa panglawas sa ilang trabahante aron mabantayan kung adunay magkasakit tungod sa igang nga sitwasyon sulod sa Mall mientras dili pa maayo ug ma-instalar ang mga bag-ong airconditioning units.
Sumala ni Atty.Jason Balais, DOLE-XI Asst. Regional Director, ilang i-monitor ang mga nasabutan kung gipatuman ba sa mall management sama sa pagpasul-ob sa light color o cotton t-shirt sa mga empleyado, pagdugang og mga air coolers lakip na tubig nga magamit sa mga trabahante ug customers.
Giingon ni Balais nga base sa nasabutan, i-repair ang mga daang aircon ug magdugang og mga bag-ong unit aron masulbad ang problema sa kainit sa maong tindahan.
Gipasabot usab ni Balais nga base sa gisaad sa pamunoan sa maong establisimyento nga molungtad sa pito ka bulan gikan karon una pa hingpit matubag ang maong suliran.
RadyoMaN Bernard Pantallon
