Kakulang sang tubig sa syudad ginahandaan na sang city government

Syudad sang Iloilo – Ginahandaan na sang syudad ang tig-ilinit nga ginapaabot nga magatuga sang kakulang sang tubig sa mga kabarangayan sang syudad.

Suno kay mayor Jose Espinosa III, may 38 na ka mga water tanks nga ara sa nagkalainlain nga barangays sang syudad.

Siling sang alkalde ini nga mga tangke ang ginapatinluan na agud mabutangan sang tubig nga mahimo maggamit sang kumunidad.


Iga-cluster ang mga barangays sa tagsa ka tangke agud mas masangkad ang maserbisyuhan sini.

Magapakig-angut ang syudad sa volunteer fire brigades agud magbulig sa paghakot sang tubig.

Nahibaluan nga madamo pa nga mga barangays sa syudad ang wala sang connection sa water district nga nagasalig lang sa mga bubon kag tasok nga nagakahubas kun ti-on sang summer.//via Joel Franco reports

Photo from web

Facebook Comments