Davao City – Adunay nakitang kakulangon sa preparasyon sa venues ang pipila ka mga technical officials sa archery ug swimming events sa nagpadayong Palarong Pambansa 2019.
Sa pakighinabi sa DXDC RMN Davao kang Mildred De Leon, technical manager sa dulang archery, sumala niya dili pa kumpleto ang pasilidad sa archery gani iyang mga kauban nalang nga technical officials usab sa laing delegations ang mitrabaho sa uban pang mga kulang o sila na mihimo sa enhancements inay magcheck nalang sa area og kumpleto na.
Hinuon taliwala sa kakulangon, sa kinatibuk-an, na enjoy gihapon sa mga delegasyon ang events gumikan dali raman usab naaksyonan ang mga kakulangon gani positibo usab ang ilang assessment sa seguridad sa Davao City tungod sa hugot nga pagbantay sa seguridad ingon man na-appreciate nila ang mga ginapatumang ordinansa dinhi sa Davao City.
Sa karon, nagpadayon pa ang pipila ka mga dula sa Palarong Pambansa dinhi sa Davao City Sports Complex sa UP Mintal sama sa Swimming, archery, volleyball ug football.
RadyoMaN Renz Barbarona
