General Santos City – Usa ka kalabera sa tawo ang nakalutan sa trabahante samtang naghimo og buho para sa himuong kaselyas sa Purok Upper Banualan, Tambler ning dakbayan kagabie.
Sumala sa imbestigasyon sa Tambler Police Station gipangunahan ni Police Major Richard Ybañez, hepe sa maong presinto sa kapolisan nakadawat sila og impormasyon sa nakalutang kalabera sa tawo.
Girespondehan nila ang lugar sa Purok Upper Banualan atubangan sa Gensan Fishport Complex og naabtan ang kalabera sa tawo.
Gibutyag sa trabahante nga si Jimboy Matanggo, 23 anyos, ulitawo, construction worker og residente sa Sitio Panamin, Barangay Tamban, Malungon sa probinsya sa Sarangani nga nagkalot siya og buho alang sa himuong kaselyas.
Perting kurata niya dihang nanggimay ang mga bukog sa tawo.
Gidudahan sa trabahante nga posibleng dugay nang nalubong ang kalabera sa maong lugar.
Ang maong kalabera nga nakalutan gidala na sa Lenejan Funeral Homes sa National Highway Barangay Labangal.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 108109169_281186472963609_4958703888468690884_n.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
