Kalabira sa NPA commander narekober

78

Davao City- Nakalutan sa kasundalohan ang kalabira sa usa ka Vice Commander sa teroristang CPP-NPA-NDF sa hilit ug bukiron nga bahin sa Purok Napu, Barangay Paquibato Proper karong udto lang.

Gilubong sa bakilid nga dunay gilaumon hangtud tuhod ang Vice Commander nga si Ka Bords nga giilang sa tinuod nga pangalan nga Totoy Kainto, 30 ang pangidaron, dunay asawa, dunay upat ka anak, ug nagpuyo sa San Fernando, Bukidnon.


Nadiskubre ang pagkamatay ni Kainto dihang usa ka kanhi sakop sa teroristang CPP-NPA-NDF nga misurender ang mitug-an sa kasundalohan nga usa nila ka commander ang giunay og patay sa kalihukan ug gilubong sa maong lugar sa miaging tuig.

Giingon sa kanhi NPA nga gihukman og kamatayon sa kalihukan si Kainto tungod sa pagduda nga impormante kini sa militar.

Tuig 2016, gidagit ang biktima sa mga NPA gumikan sa kabadlungon niini sa ilang lugar apan wala na kini makauli ug mao na lamang nahibaloan sa pamilya nga hingpit nang misampa sa kalihukan si Toto.

Matud sa magulang nga si Rolly Kainto, mitahan sa 16th Infantry Battalion nga kanhi nahimutang sa Dalisay Panabo City Davao Del Norte nga karon gi-okupar na sa 27th IB ang iyang manghud apan mibalik sa kalihukan ug didto na gitapos ang kinabuhi ni Kumander Bords sa iyang mga kaubanang NPA.




Sa paghiling sa Scene of the Crime Operatives kon SOCO sa kalabira, si Kumander nakaangkon og samad pinusilan sa likod sa ulo gamit ang dili masuta nga matang sa armas de puego.

Busa singgit sa pamilyang Kainto karon mao nga maangkon ang hustisya sa kamatayon ni Kumander Bords ug masilotan ug madakpan ang mga npa nga nagmatay kaniya.

Gibutyag ni 103rd Brigade Commander Brigadier General Nolasco Mempin, ang pagpatay kang Kumander Bords nagpakita lang sa matuod nga kolor ug pagka-berdugo sa teroristang CPP-NPA-NDF nga kanunay nilang gipahid sa kasundalohan.

RadyoMaN Joel Viray

Facebook Comments