Pasay City – Arestado sa isinagawang entrapment operation ng mga tauhan ng PNP Counter Intelligent Task Force ang dalawang pulis Pasay matapos na maaktuhan nangongotong sa mga bus at van driver sa Pasay City.
Kinilala ang mga ito na sina PO2 Jerry Adjani Jubail and PO1 Michael Mindevil Domalanta mga nakatalaga sa Malibay Police Community Precinct Pasay City.
Ayon kay PNP CITF Spokesperson Chief Inspector Jewel Nicanor alas -4:15 ng hapon kahapon nang isagawa ang entrapment operation sa may M. Dela Cruz Street Malibay Pasay City.
Sikretong sinamahan ng mga tauhan ng PNP CITF ang complainant o nagrereklamo habang nakikipagtransaksyon sa mga naarestong pulis.
Sa reklamo 300 hanggang 500 pesos ang kinokolekta ng mga naarestong pulis sa bawat bus at van driver para payagan silang makapag pick-up ng pasahero sa mga illegal terminal sa Pasay.
Sa ngayon nasa kustodiya na nang headquarters ng PNP-CITF para sa documentation at pagsasampa ng kaso.
