Manila, Philippines – Arestado ang limang lalaking sangkot sa serye ng holdapan sa mga carwash at restaurant sa Lungsod ng Quezon.
Kinilala ang mga suspek na sina Jeffrey Flores, Mark Anthony Labandito, Tim Jocson, James Carpisina at Tanju San Diego.
Ayon kay NCRPO Director C/ Supt. Gullermo Eleazar – agad silang nagkasa ng operasyon katuwang ang QCPD matapos na magsumbong ang isa sa mga biktima tungkol sa ginawang pangho-holdap ng mga suspek sa isang carwash sa Banawe, Quezon City kagabi.
Agad namang natukoy ang kinaroroonan ng mga suspek sa pamamagitan ng cellphone ng biktima na kasamang tinangay ng mga holdaper.
Naabutan sila ng mga pulis sa tapat ng isang mall sa San Lazaro, Maynila.
Nakumpiska sa kanila ang apat na baril at iba’t ibang mga nakaw na gamit.
