Zamboanga Sibugay – Arestado ang isang lalaki matapos na halayin ang isang 15-anyos na dalagitang grade 9 student sa Barangay Batu, Siay, Zamboanga Sibugay.
Nakilala ang suspek na si Arnel Caballero Visitacion, 20-anyos at residente ng Barangay San Isidro sa nasabing bayan.
Sa imbestigasyon, puwersahang dinala ng suspek ang biktima sa isang abandonadong bahay sa nasabing lugar saka doon ginawa ang panghahalay.
Matapos ang panghahalay, nakaramdam ng matinding sakit at pagdurugo ang dalagita kung saan mismong ang suspek ang nagsugod sa kanya sa Zamboanga Sibugay Provincial Hospital.
Habang nasa ospital, nadiskubre ang ginagawang panggagahasa sa biktima kaya at agad na ipinaalam sa mga pulis at doon na natunton ang suspek na hindi na nakapalag ng siya ay maaresto.
