Davao City – Dili kabahin sa tinuhuan isip mga Kristitohanon sa pamilya ni Janeth Mabuyog- Anima ang pag-hinumdom sa ilang mga minahal sa kinabuhi nga namatay na panahon sa kalag-kalag.
Apan segun ni Anima, mahinungdanon gihapon sa ilang pamilya ang kalag-kalag kay mao lamang kini nga panahon nga makaduaw sila sa sementeryo kung asa nalubong ang ilang mga minahal nga mita-liwan na sa laing kinabuhi.
Giangkon ni Janeth nga dili man gyod kaayo importante kanila ang Kalag-kalag apan misabay na lang sila sa praktis sanglit mao lang usab kini ang pamaagi aron padayon sila dili makalimot sa ilang mga kabanay nga hagbay ra mibiya aning kalibutana.
Wala nawala hangtod karon sa praktis sa pamilya nila Janeth ang paglimpyo sa puntod, pagdala og bulak, bonding sa ilang kaliwatan panahon sa Kalag-kalag ug kini nga kultura wala naapektohan luyo sa ilang Kristohanon nga pagtoo ug sa ka-moderno nga panahon.
Dugang ni Janeth nga bisan og misunod ang ilang pamilya sa tradisyon ug praktis sa kalibutan sa paghinumdom sa mga minatay wala matandog ang ilang barugan sa kristohanon nga pagtoo nga sa oras mamatay ang tawo atoa na gayod kana sa laing kalibutan ug dili na kana magpabilin sa lubnganan pa.
RadyoMaN Joel Viray
