Aabot na sa halos kalahati sa target na tourism workers ang nabakunahan na.
Sa presentasyon sa Kamara ni Department of Tourism (DOT) Secretary Bernadette Romulo-Puyat sa P3.7 billion budget ng ahensya, ipinakita ng kalihim na sa 219,253 na initial target number ng tourism workers, 45.18% o 70,389 sa bilang na ito ang nakatanggap na ng full dose ng bakuna.
Karamihan aniya sa mga nabakunahan na ay bahagi ng A1 Hotels o yung mga hotel na ginagamit bilang quarantine at isolation facility.
Mayroon namang 50.82% o 120,203 tourism workers ang nakalinya na para mabakunahan laban sa COVID-19.
Katunayan dagdag ng kalihim, 100% nang bakunado ang tourism workers sa Baguio City.
Tinitiyak naman ni Romulo-Puyat na patuloy silang bumabalangkas ng responsive at timely na formula para maibalik ang sigla ng turismo sa bansa.
