TACLOBAN CITY – Magtatapos na an programa han Department of Social Welfare and Development o kun DSWD nga KALAHI-CIDSS o an kapit bisig laban sa kahirapan ha katapusan hiton adlaw han desyembre yana nga tuig.
Ha upat nga katuig nga pagserbisyo han KALAHI-CIDSS, damo na iton naimplementar nga proyekto ngan nabuligan nga mga barangay ha rehiyon.
Tungod nga December 31, 2017 an nakatalaan han pagtatapos hini nga programa, nakabulig gihapon ini ha pagrehabilitar han mga nagkaguguba dida han paglasurbo han Supertyphoon Yolanda.
Sumala kan Gerry Pineda, Deputy Regional Program Manager han KALAHI-CIDSS, tubtob naman gudla 2018 an pondo para hini nga programa sanglit magtatapos na ini.
Pero mayada pa nahibibilin nga mga proyekto han mao nga programa nga diri pa natatapos.
Aminado an opisyal nga diri ini dali-dali nga mahuhuman sanglit bis magtatapos na an programa magbubutang hira hin tawo ha kada lhu pagmonitor hini.
“We are trying our very best nga mahuman pero admittedly diri gihapon mahuhuman. We are conducting a sustainability planning with the LGU’s where in kun diri mahuhuman dayon an usa nga project, LGU will take over next year but we are providing staff ha region to monitor this projects.”
Samtang, klaro ngan maaram an mga empleyado han KALAHI-CIDSS nga tubtob nala hira desyembre, aada ito ha Memorandum of Agreement han DSWD.
