Kalibo MDRRMC preparado eon sa San Juan celebration hin-aga

86

Preparado eon do Municipal Disaster Risk Reduction and Management Council (MDDRMC) Kalibo sa selebrasyon it San Juan hin-aga nga adlaw it Sabado.
Sa pakikipag-angot it RMN DYKR Kalibo kay Municipal Civil Defense Officer, Terence June Toriano, may anda nga deployment sa tatlong area sa Kalibo para sa selebrasyon.
Raya hay ro Tinigaw riverbanks kon sa siin may pagahiwaton nga pahampang hin-aga sa lugar, sambilog sa Lambingan beach ag sambilog sa prente it fish landing sa Mabilo Kalibo.
Mag eowas kara magabutang man sanda sa event sa Kalibo Pastrana Park it anda nga grupo matapos do deployment sa Tinigaw hin-aga it hapon.
Suno kay Toriano preparado eon do anda nga rubber boat ag ro gina tawag nga rescue and medical assets.
Dugang kara magabulig man sa operasyon hin-aga ro Philippine Coastguard ag ro team it Provincial Disaster Risk Reduction and Management Office (PDRRMO) nga maga monitor man sa bilog nga probinsya.
Samtang gina eaoman nga maabong mga tawo do maga paligos hin-aga sa mga baybayon dahil sa uwa it klase sa mga eskwelahan ag kaeabanan hay uwa it sueod sa trabaho.
Kaangot kara nagpadomdom man si Toriano sa mga ginikanan nga bantayan it mayad do andang mga unga nga nagapaligos ag iwasan rong pag inom it sobra-sobra kaibahan man do pag-secure it andang panimaeay kung sanda hay planong mag-outing hin-aga.
photo (c) Pinterest

Facebook Comments

From Advertisers