Karong bulana Hulyo saulogon na ang Nutrition Month, matag tuig kini nga kalihukan hinungdan ang kagamhanang probinsyal sa Zamboanga del Norte pinaagi sa Provincial Nutrition Office ang mihan-ay na sa mga kalihukan niining tuiga nga nagdala sa tema nga “Ugaliing magtanim, Sapat na nutrisyon aanihin”.
Sa 1st Joint Bi-Annual Meeting sa Provincial Nutrition Committee ug Municipal Nutrition Action Officers, gisaysay ni Provincial Social Welfare and Development Officer ug Provincial Nutrition Action Officer Ms. Nenita Maningo ang mga kalihukan sunod bulan.
Karong adlawa Hulyo 2, adunay pagahimuon nga motorkada nga hiniusang pagasalmutan sa kagamhanang lokal sa Dipolog palibot sa dagkong kadalanan ning dakbayan sa Dipolog nga magsugod sa Dipolog City Health Office.
Sa maong adlaw hangtud sa Hulyo 3, adunay ipangbitay nga streamers ug tarpaulin aron mahibal-an sa publiko ang pagsaulog sa nutrition month.
Sa Hulyo 4-31, ang Provincial Nutrition Office mopahigayon ug Supplemental Feeding sa
Nagkalain-laing lungsod ug barangay, depende unya sa hangyo nila alang niini.
Sa Hulyo 20, ang Zamboanga del Norte Division mopahigayon ug Nutri-Quiz Tilt 2018 sa Dipolog City Boulevard, Commercial Complex Building B.
Samtang sa Hulyo 27, ipahigayon ang panagtigum sa federation sa Provincial Barangay Nutrition Scholar sa Top Plaza Hotel ning dakbayan sa Dipolog.
Atul usab sa Joint Meeting sa Provincial Nutrition Committee ug Municipal Nutrition Action Officers, mitanyag usab si Mr. James Montejar, ang Manager sa Technology and Livelihood Development Center (TLDC) sa oportunidad alang na sa kapanginabuhian ug bansay-bansay sa food processing sa ilang buhatan.
Mamahimong mobisita sa ilang buhatan anaa sa Old Provincial Hopsital, Biasong ning dakbayan sa Dipolog.CIO
