Kalinaw, panawagan sa tagumenyos human sa sagunson nga kriminalidad

Davao City – Inay tawgon og Tagum tagumpay, pipila ka tagumenyos ang mas mituo na hinuon nga tagumpatay human sa sunod-sunod nga krimen ilabi na ang shooting incident sa Tagum City, Davao del Norte.

Sumala pa sa netizen nga si Arnie Gumnang nga kulang na lang hutdon ang mga tawo sa Tagum City tungod matag scroll niya matud pa sa social media, kriminalidad ang iyahang makita.

Kini human adunay negosyante na usab nga si Ronron Llega ang gipusil-patay niadtong byernes sa gabii, May 3, 2024 sa Magugpo East, Tagum City duol mismo sa ilang panimalay. Samtang wala pa gihapon nasulbad ang kamatayon ni Pastor Jun Cesar Saturinas kinsa napalgan na lang nga wala nay kinabuhi sa Prk. Namnama, Cuambogan niadtong Abril 27.

Tungod niini, naalarma na ang mga residente tungod sila nagtuo nga dili na gyud luwas pa ang syudad apan, gipanigurado sa Tagum City Police Station nga paningkamutan nilang makab-ot ang kahapsay ug kalinaw diha sa ilang mga operasyon inubanan sa kooperasyon sa katawhan.

RadyoMaN Ivy Parido