Kamahinungdanon sa pagpabakuna, gihatagan ug gimbug-aton sa CHO

Gihatagan karon ug pagtagad sa City Health Office ang kamahinungdanon sa pagbatok sa bakuna batok sa COVID-19.

Sa interview sa RMN ngadto kang City Health Officer Dr. Dennis Sanggalang sa siyudad sa Malaybalay, gibutyag niini nga napamatud-an na sa kadaghanan ang ka-epektibo ug kamahinungdanon sa bakuna isip proteksiyon batok sa usa ka sakit.

Matud ni Sanggalang nga magsilbing ticket ang bakuna para makabalik ang katilingban ngadto na sa normal nga pagkinabuhi.


Aminado usab si Dr. Sanggalang nga dakong hagit karon sa gobyerno unsaon ma-engganyo ang publiko nga magpabakuna.

Wala matud pay bili ang bakuna kung ang mga tawo dili magpabakuna.

Gipasabot pa niya nga gikinahanglan ang 70% herd immunity sa populasyon aron hingpit nga mapugngan ang pagkatag sa virus.

Gibutyag usab ni Dr. Sanggalang nga wala usab nagpasabot nga sa oras nga mabakunahan ang usa ka tawo, dili na kini matakdan sa coronavirus kon dili gikinahanglan pa kini ug pila ka bulan aron makabaton sa hingpit nga proteksyon batok sa virus.

Sigun niya nga gikinahanglan pa sa lawas sa usa ka nabakunahan nga makadevelop ug anti-bodies.

Facebook Comments