Kamara, planong simulan sa Nobyembre ang imbestigasyon sa Manila Bay Dolomite Beach project

Plano ng House of Representatives na masimulan na sa Nobyembre ang pagdinig ukol sa Manila Bay Dolomite Beach project.

Inihayag ito ni House Committee on Public Accounts Chairman at Bicol Saro Party-list Representative Terry Ridon.

Ayon kay Ridon, magpapadala na sila ng imbitasyon sa mga resource person pagbalik ng sesyon ng Kongreso simula sa November 10.

Paliwanag ni Ridon, kailangang masilip ng Kamara ang Dolomite Beach Project upang madetermina kung mahalaga o kailangan ba ang mga ganitong proyekto.