Posibleng mag-convene ang kamara bilang Constituent Assembly (Con-Ass) sa susunod na buwan.
Ito’y para ikunsidera ang apat na Charter Change (Cha-Cha) proposals na inendorso ng House Committee on Constitutional Amendments.
Ayon kay Committee Chairperson, Cagayan Deo Oro Representative Rufus Rodriguez, hihilingin niya sa House Rules Committee at sa Liderato ng Kamara na magtakda ng araw para sa Plenary Deliberations.
Sinabi ng mambabatas na hindi kailangang mag-convene ang Kamara at Senado sa isang joint sesssion bilang Con-Ass para ikunsidera ang ilang panukalang aamiyenda sa saligang batas.
Kapag naaprubahan ng Kamara ang Cha-Cha proposals sa Con-Ass, agad itong ipapasa sa Senado.
Kapag naaprubahan ng dalawang kapulungan ang proposals, ang Commission on Elections (COMELEC) ay magtatakda ng schedule para sa isang Plebisito para sa Ratification ng mga inirekomendang pagbabago.
Magbabalik sesyon ang Kongreso sa January 20 matapos ang Christmas Recess.
