Kamatayon o pagkabilanggo sa tibuok kinabuhi andam dawaton sa biyudong mipatay sa duha ka babaye

Davao City – Dako ang pagmahay sa suspect nga si Marcial Gonzales sa iyang pagpatay sa duha ka babaye pinaagi sa dunggab, human wala na siya kapugong sa iyang kaugalingon sa paghimo sa krimen niadtong Enero 4, 2024 sa Brgy.2-A, Davao City.

Sa pakighinabi sa DXDC RMN Davao kang Gonzales gisulti niya, lisud mangayo og pasaylo sa pamilya sa duha ka biktima kung nakasala kita.

Dawaton ni Gonzalez, kung unsa nga silot kamatayon man o pagkabilanggo sa tibuok kinabuhi human niya nahimo ang dakong sala.

Nahinabi usab sa DXDC RMN Davao news team si Barangay kagawad Richie Bulod sa Brgy.Datu Salumay, Marilog District, kinsa maoy nag-assist sa pamilya sa mga biktima ug gisulti niya, makab-ot ang hingpit nga hustisya, kung makita nila nga mabilanggo ug serbisyohan sa tibuok niyang kinabuhi ang silot.

Kagahapong adlawa Enero 5, 2024, gi-inquest na San Pedro Police Station si Gonzales sa piskaliya sa kasong 2 counts of murder. Samtang ang duha ka patay’ng lawas sa duha ka biktima gitakdang ipa-ilawom sa awtopsiya sa lunes.

RadyoMaN Don Pulayao