Kamatayon sa 18 anyos nga babayi sa Mati, walay foul play

Davao City – Ang kanhi karelasyon sa biktima ang maoy person of interest sa Mati City Police Station (PS) sa pagpatay kang Katherine Cabiling, 18 anyos nga nakit-ang wala nay kinabuhi sa baybayon sa Purok Maribuhok, Dahican, Mati City, Davao Oriental.

Sa interbyu sa DXDC RMN Davao kang Police Major Al Anthony Gumban, Deputy Chief of Police (COP) sa Mati City PS, gisaysay niini nga subay sa ulahing chat conversation sa duha, nanghagad ang lalaki nga makigkita sa biktima sa baybay diin nisugot usab ang babayi basta dili lang kini hilabtan, diin ulahi kining nakit-an alas 10:00 sa gabii niadtong Disyembre 31, 2022.

Subay sa Davao Oriental Provincial Forensic Unit, walay foul play nga nakita apan posibleng pagkalumos ang gikamatyan sa biktima.

Wala na usab nisugot ang pamilya nga ipailawom kini sa otopsiya, matud sa police official.

Giawhag usab sa otoridad ang posibleng nakasaksi sa krimen nga mutabang sa inbestigasyon aron mapanubag ang suspek nga gituohang wala na usab karon sa lugar.

RadyoMaN Kirby Manzon