Davao City – Giklaro sa Bansalan Fire Station (FS) nga walay foul play ang kamatayon sa usa ka 21 anyos nga lalaki human nasunog ang ilang balay sa Barangay Linawan, Bansalan, Davao del Sur alas 8:00 sa gabii, Hulyo 8, 2023.
Sa interbyu sa DXDC RMN Davao kang Inspector Edwin Silagan, Acting Municipal Marshal sa Bansalan FS, iyang gibutyag nga gihimong imbestigasyon, overcharged nga electronic vape ang rason sa sunog.
Giklaro ni Silagan nga dili tinuod nga nagpakamatay ang biktimang si Almiko Jason Alilin, diin nasayrang nag-inusara kining nagpuyo sa maong balay.
“Sa inisyal nga nakita sa atong investigator nga rason nganong nasunog, kay iyahang saksakanan nagdikit pa gyud sa iyahang foam. Mao ‘to nag-overheat. Wala ‘ta kabalo unsa ‘to nga klase nga vape kay bag-o daw nga palit,” saysay sa fire officer.
Pahimangno sa kabomberohan sa publiko nga likayan ang overnight nga pag-charge sa gadgets aron malikayan ang susamang insidente.
RadyoMaN Kirby Manzon
Facebook Comments
