Davao City – Gikumpirma sa Baguio Police Station (PS) nga walay foul play, ang kamatayon sa usa ka 56 anyos nga lalaki sa Malagos, Baguio District, Davao City alas 4:00 sa hapon, Hunyo 14, 2023.
Sa interbyu sa DXDC RMN Davao kang Patrolwoman Hazel Siguro, personahe sa Baguio PS, giila niini ang biktimang mipanaw nga si Francisco Castorico, residente sa nahisgutang lugar.
Matud sa pulis, adunay nay gihambin nga balatian ang biktima nga maoy rason sa iyang kamatayon, diin nag-inusara lamang kini sa iyang balay.
“Walay foul play. Ang inisyal (nga report) diria is illness on his heart ug kidney failure (ang hinungdan),” gibutyag sa pulis.
Una niini, nasuta sa igsoon sa biktima nga patay na diay si Tatay Francisco tungod sa baho human kini mitaliwan.
RadyoMaN Kirby Manzon
Facebook Comments
