Sa interbyu sa DXDC RMN Davao kang Police Lieutenant Colonel Exzur Relatado, Officer-in-Charge sa Malita Municipal Police Station (MPS), gisaysay niini nga kagahapong adlawa (Enero 6, 2023), usa ka residente sa Sitio Beto, Barangay Buhangin, Malita, Davao Occidental ang mi-report kanila human kini nakapanimaho sa patay’ng lawas sa biktima ug gilayon kining girespondehan.
Matud ni Relatado, ginasuta pa karon kung pila na ka adlaw namatay ang biktima, diin nasayrang na-missing ang batan-on niadtong Disyembre 29, 2022.
“So far, sa initial investigation nga gihimo nato, wala ‘tay nakita nga mura’g naay mga ingon ana, mga bun-og bun-og. Walay kanang makita nato nga basi’g naay foul play. Wala ‘tay nakita sa atong initial investigation,” sulti sa pulis.
Sa inpormasyon gikan sa Barangay sa Sta. Maria, nakasinati matud pa og depresyon ang batan-on ug nagalakaw-lakaw hangtud nga wala na kini nakauli gikan sa adlaw sa dihang kini na-missing.
Nakig-alayon na karon ang kapulisan sa pamilya sa biktima ug aron mapadali ang ginahimong inbestigasyon.
RadyoMaN Kirby Manzon
