Davao City – ‘Overkill’.
Kini ang paghulagway sa kabanay ni Harland Ocampo Garvida, 40 anyos, suspek sa pagpang-hostage sa pamilya ni Allen De Vera sa Woodridge Subd., Brgy. Maa, Davao City kagahapong adlawa, Agosto 22, 2018.
Giakusahan sa tagtungod sa suspek nga nisobra ang gigamit nga pwersa sa mga otoridad ug walay rason nga hunusan sa kinabuhi ang suspetsado.
Gibutyag sa mga uyuan sa suspek nga ang unom ka mga samad pinusilan diin tumong sa mga patyanan sa lawas usa ka ebidensya nga overkill ang gihimo sa mga otoridad.
Gidugang sa kaparyentehan nga pwede man unta nga tiilon ang suspek sa mga pulis ug dili tirahon sa patyanan.
Plano sa pamilya nga human malubong ang suspek ila dayon nga isunod ang pagpasaka og kaso sa mga otoridad.
RadyoMaN Erin Lumosbog
