Isa ka daku nga paandam sa mga durugista sa Western Visayas ang kamatayon sang ginatudlo pinakabag-o nga Drug Lord sa Western Visayas nga si Leoner Jalandoon.
Ini ang ginpahayag ni PRO-6 Director Brigadier General John Bulalacao.
Suno kay Bulalacao nga walka naga-untat ang kapulisan sa paglagas sa mga durugista angut sa War on Drugs sang gobyerno.
Napatay si Jalandoon matapos magbatu sa mga pulis sang gin-buy bust ini sa Victorias City , Negros Occidental sang nakaligad nga adlaw.
Ini siya amo ang gintumod ni Presidente Rodrigo Duterte nga bag-o nga Drug Lord nga nagbulos sa napatay nga si Melvin Odicta nga sigurado nga mapatay man suno sa Presidente.
Bangud sini, ginpahayag ni Bulalacao nga dapat magpanumdum na ang mga durugista nga untatan na ang ila ginahimo nga illegal nga buluhaton kay kon indi sigurado nga mapatay man sila.
