Kumbensido ang kapulisan sang Lapaz PNP nga aksidente lang gid kag wala sang foul play sa kamatayon sang 18 anyos nga trabahador sang Akhira frozen foods fACTORY sa Zone 3 Mansaya, Lapuz sang sabado sang aga.
Ini ang ginpahayag ni Police Sr. Master Sgt. Alain Selda, imbestigador sang Lapaz PNP matapos masapwan ang lawas sang biktima nga si Joemar Junco Bugoy sang Laua-an, Antique nga ginlamon sang meat mixer.
Suno kay Selda nga wala na gin-usisa sang Scene Of the Crime Operatives ukon SOCO ang bangkay sang biktima matapos nagaguwa sa ila imbestigasyon nga wala sang foul play sa kamatayon sini.
Ginhatagan pagtamod ni Selda nga base sa imbestigasyon, wala gid nakahibalo ang mga kaupod sang biktima nga nagaling na ini upod sa karne kag nasapwan na lamang nga yara na sa sulod sang meat mixer ang katunga sang lawas sini kag wala na sang kabuhi.
