[image: IFM 919 Logo (1).jpg]
Subling gilusad sa kapolisan ang kampanya batok loose firearms kung asa duha ka search warrants ang giimplementa buntag sa adlawng Sabado sa Barangay Labangal og Apopong ning siyudad.
Giila ni Police Senior Inspector Robert Forres ang subject sa operasyon mao silang Toto Ismael nga Purok Chairman sa Purok 4 Bo. Blaan, Labangal ug ang security guard sa Mohiden Property sa Sugod Lot 2, Apopong nga si Nasher Nilong.
Unang gi-ronda ang panimalay ni Esmael apan nagnegatibo sa iligal nga armas sunod ang guard house na gipwestohan ni Nilong kung asa nakarekober ang kapolisan og 12 gauge shotgun na may upat ka bala.
Giutingkay sa kapolisan ang papeles nga napakita sa gwardya apan expired na kini rason nga sutaon pa kini sa Firearms and Explosives Security and Guards Supervision o FESAGS kung magtugma ang serial number sa shotgun ngadto sa gideklarang tag-iya na security agency.
Wala na sab gidala sa presinto sa kapolisan ang gwardya tungod dokumento sa armas ang gipangita sa kapolisan.
