Sa pakighinabi sa DXDC RMN Davao kang Ely Eleaño, Spokesperson sa NBI-Xl gibutyag niini, ilang tutokan nga masugpo ang tanang matang sa online illegal gambling ug online sabong sa tibuok Davao Region.
Segun ni Eleaño, aduna nay mga personahe sa NBI-XI, ang nagpahigayon og pagmonitor sa online gambling pinaagi sa nagkadaiyang social media platform. Mitabang usab ang mga Barangay officials sa pagtunol og dugang mga impormasyon.
Gipasabot sa opisyal, bisan unsang orasa ang NBI-XI andam sa pagronda ug pag-aresto sa mga malambigit sa online gambling ug ang madakpan mag-atubang kini og kasong violation of cyber law.
“Any moment aduna tay arestuhon, mag conduct ta og series of raid kung asa nato ni sila ma locate kay kini man god sila siyempre online ni everything is done tru internete so its required technical methods”, sulti ni Eleaño.
Kahinumduman gikabalaka ni Senator Lito Lapid Chairman sa Senate Committee on Games and Amusement, daghang mga kabatan-onan nga maguba ang kaugmaon, kung pasagdan ang paghitak sa online gambling nga gilangkuban sa casino, poker, roleta ug color games tungod dali na lamang ma-acces kini.
RadyoMaN Don Pulayao
