Sa interview sa DXDC RMN Davao kang Police Major Anjanette Tirador, tigpamaba sa Davao del Norte Police Provincial Office, iyang gibutyag nga anaa sa 553 ka personahe sa kapulisan ang ipakatag sa 276 ka polling centers sa tibuok probinsya.
Matud ni Tirador nga hugot usab nga ilang bantayan ang pagpamalit og boto sa mga kandidato padulong ang piniliay diin mag-atubang gayud og silot ang malambigit niini subay sa balaod ug guidelines sa Commission on Elections (COMELEC).
“Kanang Kontra-Bigay o mamaligya og boto and all, ang atong kapulisan is open for any complaints about that kay as stated by the COMELEC nga aksyonan gyud sya dayon,” sulti sa police official.
Sa Biyernes, October 27, 2023 himuon ang Send-Off Ceremony sa pag-deploy sa PNP personnel sa tibuok Davao del Norte.
RadyoMaN Kirby Manzon
