Roxas City, Capiz – Nakahunong na sa karsel sang Roxas City Police Station ang 23-anyos nga lalaki matapos madakpan sa ginpatigayon nga drug buybust operation sang kapulisan sa Sitio San Jose, Barangay Inzo Arnaldo Village, Roxas City kahapon sang hapon.
Naglab-ot sa lima ka sachet sang suspected shabu ang nakuha sa suspek nga ginkilala kay Franz Hernan Degala, residente man sang nasambit nga barangay. Magluwas sa illegal nga droga, nakuha man sang mga kapulisan sa kamot sang suspek ang isa ka cellphone kag P1,000 nga marked money. Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang suspek.
Facebook Comments
