KAMPANYA KONTRA DROGA | Criminology graduate, dakop sa drug buy bust operation; 10 sachets sang ginapatihan iligal nga droga, narekober sang mga pulis

175

Dumarao, Capiz – Arestado sa isa ka drug buybust operation sang gintingub nga puwersa sang Station Drug Enforcement Units sang Dumarao kag Dumalag PNP kasubong man sang Provincial Drug Enforcement Unit sang Capiz Police Provincial Office sa Barangay Janguslob, Dumarao, Capiz ang isa ka criminology graduate.
Ginkilala ang suspek nga si Kathlene Dalisay, 26 anyos sang Barangay Poblacion Ilawod, Dumarao, Capiz. Nakuha sa mga kamot sang suspek ang 10 ka sachets sang suspected shabu nga may market value nga nagalab-ot sa P5,000, P1,000 nga marked money, cellphone, wallet kag P100 nga cash.
Nahibalaun nga ang nasambit nga suspek ang ginpaidalom sa surveillance sang mga kapulisan sa sulod sang duha ka antes ginkasa ang nasambit nga operasyon. Si Dalisay ang yara man Directorate for Intelligence (DI) list sang PNP.
Magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 ang nasambi nga suspek.

Facebook Comments
From Advertisers