Roxas City, Capiz – Dakop sa ginpatigayon nga drug buy bust operation sang Provincial Drug Enforcement Unit sang CPPO ang isa ka seaman sa Arnaldo Boulevard, Barangay Baybay, Roxas City, kaina sang hapon.
Wala na makapalagyo sa mga kamot sang mga otoridad ang suspek nga ginkilala kay Edwin Aguilar alyas Gagay, 52-anyos, residente sang Barangay Dumolog, syudad sang Roxas.
Narekober sang mga kapulisan sa kamot ni Aguilar ang walo ka sachet sang suspected shabu, tricycle nga ginamaneho sang suspek, disposable lighter, cellphone kag kaha sang sigarilyo nga ginsudlan sang illegal nga droga.
Magapangatubang sang kaso nga pagbayular sang RA 9165 ukon Comprehensive Dangerous Drugs Act of 2002 ang nasambit nga suspek.
Facebook Comments
