Roxas City, Capiz – Arestado ang tatlo ka mga persona sa separado nga drug buybust operations sang Provincial Drug Enforcement Unit (PDEU) sang Capiz Police Provincial Office sa Barangay Cagay kag Barangay Banica, Roxas City.
Una nga nadakpan ang duha ka mga suspek sa Barangay Cagay nga ginkilala nga sanday Juan Delos Santos, 43-anyos kag Zymon Balbona, 28-anyos, lunsay mga residente sang Barangay Tanque syudad sang Roxas.
Nakuha sa kamot sang mga suspek ang anum ka sachets sang suspected shabu, 500 pesos nga marked money kag isa ka motorsiklo.
Samtang, dakop man ang isa pa gid ka suspek nga si Hans Wilhalm Demalata, 25-anyos sang Sitio Caduolan, Barangay Banica, Roxas City kun sa diin nakuha sa posisyon sini sang ang pito ka sachets sang suspected shabu, cellphone kag P500 nga marked money.
Natalana nga pagapasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002 ang mga arestado.
