Roxas City, Capiz – Ginsiling sang hepe sang Roxas City PNP nga si Police Supt Dante Tayco nga madugay na nila nga ginpaidalom sa surveillance ang iligal nga aktibidad sang drug suspect nga si Rowel Apruebo antes ini natikma pinaage sa buy bust operation kahapon nga adlaw sa Brgy Dayao Roxas City.
Suno kay Tayco, nagdugay sang pila ka semana ang monitoring sa amo nga persona.
Ginabanta naman nga nagalab-ot sa P81, 000 pesos ang street value sang narekober nga lima ka sachet sang suspected shabu kay Apruebo.
Sa interview sa suspek, hugot naman nga ginpanginwala ni Apruebo nga iya ang mga narekober nga items. Apang aminado ini nga naga-usar siya sang iligal nga druga.
Nakatigayon naman nga makapalagyo ang ginapahayag kaupdanan sini nga nakilala kay alias “Kiwit”.
Magapangatubang ang amo nga persona sang kaso nga paglapas sa RA 9165 ukon Comprehensive Dangerous Drugs Act of 2002.
photo © Supt Dante Tayco
