KAMPANYA KONTRA DRUGA | Marine engineering graduate, dakop sa buy bust operation sa banwa sang Pontevedra!

Pontevedra, Capiz – Arestado ang isa ka Marine Engineering graduate sa ginkasa nga buy bust operation sang mga kapulisan alas 4:25 sang hapon sa Brgy Sublangon banwa sang Pontevedra.
Nakilala ang subject person kay Ramcelle Baclor y Bayona, 22-anyos ang pang-edaron sang Brgy Malag-it Pontevedra Capiz kun sa diin natigayon nga marekober sa iya ang isa ka sachet sang suspected shabu lakip ang isa ka libo ka pesos nga buy bust money.
Nakuha man sa iya paghinakop ang ginapanag-iyahan sini nga cellphone kag cash nga 400 pesos.
Ang amu nga persona ang magapangatubang sang kaso nga paglapas sa R.A. 9165 ukon Comprehensive Dangerous Drugs Act of 2002.
photo(c)- PDEA

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments