Roxas City, Capiz- Dakop sa ginkasa nga drug buy bust operation sang mga katapo sang Provincial Drug Enforcement Unit(PDEU) ang tatlo ka mga persona sa Sitio Ilaya Barangay Sibaguan syudad sang Roxas.
Ginabanta nga nagabalor sang P1 milyon pesos ang 37 ka bilog nga binulto sang shabu nga narekober sa mga subject person nga sanday Florencio Abalayan Jr. y Lanita, 37-anyos, Cherry Jardeleza, 34-anyos sang Himamaylan, Negros Occidental kag 17-anyos nga nagahingalan kay alyas “Mark”.
Nahibaluan nga madugay na nga ginpaidalom sa surveillance ang operasyon ni Abalayan antes nga ginkasa ang buy bust operation batok sa iya.
Natigayon man nga narekober sa iya posesyon ang pila ka mga drug paraphernalias.
Ang amo nga mga persona ang magapangatubang sang kaso nga paglapas sa R.A 9165 ukon Dangerous Drugs Act of 2002.
