Roxas City, Capiz – Dakop sang mga katapo sang Station Drug Enforcement Team(SDET) sang Roxas City PNP ang tatlo ka mga persona matapos ginpaidalom ang mga ini sa drug buy bust operation sa Sitio Bangbang Brgy. Cagay sining syudad.
Ginkilala ang mga subject person nga sanday Richie Val Jason Yu y Fegaroa sang Barangay Milibili Roxas City; Jessie Anonoy y Villasoto, 49-anyos kag Mary Anne Pabalinas y Arorong, 40-anyos sang sang Brgy Punta Tabuc Roxas City.
Narekober sa mga ini ang isa ka libo ka pesos nga buy bust money, cellphone kag lima ka sachet sang suspected shabu.
Nahibaloan nga madugay na nga ginasubaybayan sang mga otoridad ang iligal nga boluhaton sang nasambitan nga mga persona antes ginkasa ang operasyon.
Magapangatubang ang mga ini snag kaso nga paglapas sa RA 9165 ukon Comprehensive Dangerous Drugs Act of 2002.
