Davao City- Gi-intensify sa Bureau of Fire Protection (BFP) XI ang ilahang kampanya nga “Oplan Iwas Paputok” dinhi sa Davao Region.
Gibutyag ni SFO4 Ramil Gillado, Intelligence and Investigation Section chief sa Davao City Fire District, nagpabiling total ban ang pabuto sa Davao City sukad niadtong 2002.
Nanawagan kini sa publiko nga dili magpabuto o magpalusot og mga firecrackers sa dakbayan sa Davao aron dili subling mahitabo ang sunog niadtong 2018 diin usa ka kwitis ang nahimong hinungdan sa pagkaugdaw sa daghang mga kabalayan.
Samtang hugot gipahimangnuan ang ubang LGUs sulod sa rehiyon nga dili mugamit og illegal nga mga firecrackers ug dili magpabuto sa sulod sa mga panimalay aron malikayan ang sunog og mga disgrasya.
“Ang atoang mga areas ( sa Davao Region) nga regulated lang ang mga paputok, naa lay designated areas nga pweding didto magpaputok dili pwedi sa mga panimalay.” sumala ni Gillado.
RadyoMaN Aimee Guinita
