Davao City – Gipakusgan sa Davao City Police Office (DCPO), ang kampanya kontra gidiling droga pinaagi sa 20 ka Police Station sa syudad sa Davao sa ilang mga area of resposibility (AOR).
Sa interview sa DXDC RMN Davao kang Police Captain Hazel Tuazon, Spokesperson sa DCPO gibutyag niini, nagpadayon ang monitoring sa mga awtoridad sa mga nalambigit sa droga. Segun ni Tuazon, aktibo usab nga nisuporta ang komunidad sa kampanya, pinaagi sa hatag og mga inpormasyon sa kapulisan.
Gipasabot sa opisyal, sagad sa mga suspect nga ma-neutralize sa drug buy bust operation tungod sa dakong kantidad sa shabu nga makumpiska gikan sa ilang posisyon, hinungdan nga mosukol na lamang kini sa mga awtoridad.
“Kanang ilang mga report sa police station gina conduct kan nato og validation kana gyud tawhana nagabaligya o involved mao na mag conduct mi buy bust operation”,sulti ni Tuazon.
RadyoMaN Don Pulayao
Facebook Comments
