Davao City – Gawas sa dengue awareness campaign pakusgan usab og apil sa City Health Office ang ilahang kampanya kontra Leptospirosis.
Sa interbyu sa RMN Davao kang CHO Tropical Diseases Prevention and Control Division Pest Control Worker II Melodina Babante nga kini aron makontrola nga aduna pay mga biktima sa peligrosong balatian nga makuha gikan sa mga hugaw sa ilaga.
Matud ni Babante nga base sa impormasyon gikan sa City Epidemiology Surveillance Unit nga aduna nay mga natalang deaths tungod sa sakit sa leptospirosis.
Sumala ni Babante nga ang usa sa mga namatay natala niadtong Pebrero diin usa ka pasyente ang nakainom sa tubig baha.
Aron ma-prevent ang leptospirosis pahimangno ni Babante ngadto sa mga nakaubog og baha nga mutumar og Proprylaxis o Doxycycline nga makita sa pipila ka mga barangays.
Ang mga senyales ug sintomas sa leptospirosis: makasinati’g muscle pain ang pasyente, sakit sa ulo, kalintura, ubo, pagpula sa mata samtang ug severe na kini: maglisod na og pangihi, liver, kidney ug brain failure.
RadyoMaN Aimee Guinita
