Sa pakighinabi sa DXDC RMN Davao kang Niel Cañedo, ang Regional Director sa LTO XI, iyang gibutyag nga ubay-ubay na sab ang nadakpan sa ilang buhatan nga nagmalapason sa balaod.
Dugang pagpasabot sa opisyal nga aduna may specific nga edad ang batang mamahimong iangkas nga motorsiko apan nakadepende gihapon kini sa gitas-on sa bata kung makatunob na ba na footrest.
“Akong gina-remind ang tanan natong mga driver sa motorsiklo nga kadtong naay mga anak nga dapat kompleto sila og mga gears especially helmet. At the same time, mu-comply sila sa Republic Act 10666 o katong Children Safety Motorcycle Act nga dapat makagakos ang ilang anak sa ila ug makatamak footrest,” matud ni Cañedo.
Kini nga hisgutanan nagsumikad sa balitang usa ka 5 anyos nga batang lalaki ang dead on the spot human nadisgrasya ang motorsiklong gimaneho sa iyang amahan Tugbok District, Davao City niadtong Dominggo sa gabii, March 3, 2024.
RadyoMaN Ivy Parido
