Manila, Philippines – Pumarada sa mga kalye ng Malate, Maynila ang grupong Ecowaste coalition kasama ang mga estudyante, tauhan ng DOH, MPD, BFP at mga barangay officials upang ikampanya ang ligtas at malinis na pagsalubong sa taong 2018 na may temang: Iwas Paputoxic: Ligtas na, Malinis pa.
Sa naturang parada, ipinakita ng grupo kung papaano sasalubungin ang Bagong Taon na ligtas at walang polusyon sa hangin sa pamamagitan ng pagtangkilik sa iba’t ibang pampaingay tulad ng mga lata, kaldero, maracas, tambourines at iba pang recycled materials.
Namahagi naman ng leaflets ang BFP para sa mga tips kung papaano makakaiwas sa sunog at kung ano ang mga ipinagbabawal na paputok.
Facebook Comments
