Davao City – Mas gipakusgan pa sa mga otoridad ang kampanya batok sa cigarette smuggling human makumpiska ang kapin P14,675,000.00 nga mga kontrabando sa usa ka joint anti-smuggling operation niadtong alas 11:30 sa gabii, miaging adlaw, sa Barangay Dumoy, Davao City.
Sa operasyon nga gilusad sa CIDG XI, uban sa pagtinabangay sa PNP Highway Patrol Group, Maritime Group, ug Police Station 17, nasikop ang upat ka suspek ug nakuha gikan kanila ang 403 master cases sa smuggled cigarettes ug pipila ka sakyanan nga gigamit sa iligal nga kalihokan.
Ang mga dinakpan nakakustodiya na karon sa CIDG Davao City Field Unit alang sa tukmang disposisyon.
Gipasidunggan usab ni PLtGen Jose Melencio C. Nartatez Jr., Acting Chief sa PNP, ang maong kalampusan nga nagpakita sa padayon nga determinasyon aron mapugngan ang smuggling ug maprotektahan ang katawhan.
RadyoMaN Kareen Beltran
Facebook Comments
