Kampanya kontra street crimes gipakusgan

Davao City – Mas gipakusgan sa mga awtoridad sa San Pedro Police Station ang kampanya kontra street crimes tungod sa subling pagsi-aw na sab sa mga isnatser ug mga kawatan partikular nahitabo sa sentro nga bahin ning syudad sa Davao.

Sa interview sa DXDC RMN Davao kang Police Major Marvin Hugos, Station Commander sa San Pedro Police Station, nga duna nay mga sakop sa kapulisan ang naka deploy ngadto sa ilang area of responsibility (AOR) aron nga mobantay ngadto sa mga lugar kun diin sagad mahitabo ang insidente sa kawat.

Gi-awhag ni Hugos ang katawhan nga kung dunay mga kadudahan lihok sa tawo daling i-report o isumbong sa kapulisan aron dali dayon kini maaksyonan sa kapulisan.

“Mas maayo nga motawag sa police station o moduol sa mga personnel nato nga nakadeploy karon dinhi sa atong area of responsibility,” sulti ni Hugos.

Kahinumduman laing isnatser ang nadakpan human kini nangawat og cellphone sa usa ka babaye nga nahitabo sa Corner Anda, Bonifacio Sreets, Barangay 3-A syudad Davao.

RadyoMaN Don Pulayao